झाडीको आगलागी व्यापक भएपछि पश्चिम अस्ट्रेलियामा स्थानीयलाई स्थानान्तरण हुन आग्रह

काठमाडौं । अस्ट्रेलियाको पश्चिम भागमा फैलिएको झाडीको आगलागीबाट बच्न स्थानीयलाई स्थानान्तरणको लागी आग्रह गरिएको छ । जर्मनीको विश्व च्यानल डिडब्लूका अनुसार शनिवारको आगलागीबाट उत्पन्न अवस्थामा यस्तो आग्रह गरिएको हो ।

अस्ट्रेलियाको अग्नि तथा आपतकालीन विभागले जनधनको क्षति हुनबाट बच्न यस्तो आग्रह गरेको हो । पश्चिम अस्ट्रेलियाको राजधानी पर्थबाट ६० किलोमिटरको उत्तरी क्षेत्रमा भएको आगलागीमा ४० स्थानमा झाडीको आगो चलिरहेको बताइएको छ ।

आगलागी १२० हेक्टर भन्दा ठूलो क्षेत्रमा फैलिरहेको बताइएको छ । अस्ट्रेलियाको झाडी आगलागी विश्वकै कुख्यात छ । सन २०१९/२० मा भएको ब्याक समर नाम दिइएको आगलागीमा परेर ३३ जनाको ज्यान गएको थियो भने कयौँ हेक्टर जमिनमा क्षति पुगेको थियो ।