हेटौंडामा टिपरले माेटरसाइकललाई ठक्कर दिँदा श्रीमानको मृत्यु, श्रीमती घाइते

हेटौंडा । मकवानपुरको हेटौंडा उपमहानगरपालिका- १७ गैरीगाउँमा टिपरको ठक्करबाट एकजनाको मृत्यु भएको छ ।

सालक पार्कबाट चौघडातर्फ आइरहेको ना २६ प ४४२५ नम्बरको मोटरसाइकललाई चौघडाबाट गइरहेको मधेश प्रदेश ०३-००१ ख ७९०३ नम्बरको टिपरले ठक्कर दिंदा मोटरसाइकल चालकको घटनास्थलमै मृत्यु भएको हो ।

मृत्यु हुनेमा हेटौंडा- १६ जुरेथुम बस्ने हरि पनेरु रहेको प्रहरीले जनाएको छ । दुर्घटनामा पनेरुकी पत्नी अर्चना घाइते भएकी छन् । उनलाई उपचारका लागि हेटौंडा ल्याइएको प्रहरीले जनाएको छ ।