आगो ताप्ने क्रममा निसास्सिएर सासू बुहारीको ज्यान गयो
नेपाल प्रेस
२०८० माघ २२ गते १०:५४
सांकेतिक तस्विर
डोटी । डडेल्धुरामा आगो ताप्ने क्रममा दुई जनाको गएको छ ।
जिल्लाको अमरगढी नगरपालिका-१ मालम बस्ने ६० वर्षीया धौलीदेवी दियाल र २६ वर्षीय पुनम दियालको मृत्यु भएको जिल्ला प्रहरी कार्यालय, डडेल्धुराका सूचना अधिकारी कुसुम नायकले जानकारी दिए ।
नायकका अनुसार राति कोठामा कोइला बालेर आगो ताप्ने क्रममा निसासिएर उनीहरूको मृत्यु भएको हो ।
बेहोस अवस्थामा फेला परेका दुवैलाई अस्पताल लग्दा चिकित्सकले मृत घोषणा गरेका थिए ।
घटनाको विषयमा आवश्यक अनुसन्धान भइरहेको सूचना अधिकारी एवं प्रहरी निरीक्षक नायकले जानकारी दिए ।
मृतक दुवै नातामा सासू बुहारी हुन् ।
नेपाल प्रेस
प्रकाशित: २०८० माघ २२ गते १०:५४
प्रतिक्रिया
सम्बन्धित खवर
