अभिनेत्री प्रियंका कार्कीले गरिन् मनोरन्जन पार्क ‘उप्स’को उद्घाटन

काठमाडौं । धुम्बाराहीमा नेपालकै पहिलो पारिवारिक मनोरन्जन पार्कको सुरुवात भएको छ । करिब १ महिना अगाडिदेखि संचालनमा आएको उक्त पार्कको औपचारिक उद्घाटन अभिनेत्री प्रियंका कार्कीले गरेकी छन् ।

सोमबार एक औपचारिक कार्यक्रमका बीचमा उद्घाटन भएको ‘उप्स’ मा बच्चादेखि सिनियरसम्मले खेलको मनोरन्जन लिन सक्नेछन् । आर्केड, रिडेम्सन, भर्चुअल रियालिटी, सुटिङ्ग, रेसिङ्ग, जिपलाईन, क्लाइम्बिङ्ग लगायत इण्डूअर र आउटडूअर खेलहरुको मनोरन्जन पार्कमा लिन सकिनेछ । सस्तो मुल्यमा धेरै खेलहरु एकैठाउ खेलेर मनोरन्जन लिनु यो पार्कको मुख्य बिशेषता हो। साथै स–परिवार एकसाथ रुपमा पार्कमा गएर समय व्यतित गर्न सकिनेछ ।

अभिनेत्री प्रियंका कार्कीले सोमबार आयोजित एक भव्य कार्यक्रमको बीचमा ‘उप्स ईन नेपाल’ को उद्घाटन गरेकी हुन् । रिवन काट्दै प्रियंका र संचालक टीमले औपचारिक उद्घाटन गरेका हुन् । संचालक टीमलाई शुभकामना दिन गायिका इन्दिरा जोशी आफ्ना श्रीमान् संग पुगेकी थिइन् ।

कार्यक्रममा बोल्दै प्रियंकाले सबै प्रकारका खेलहरु खेल्न सकिने ठाउँ आकर्षक बनेको बताइन् । प्रियंका भन्छिन्, ‘सबै परिवार नै मिलेर खेल्न सकिने विभिन्न प्रकारका खेलहरु एकै ठाउँमा पाए । ठूलो स्पेसमा भएको कारण पनि धेरैले एकसाथ खेलको मज्जा लिन पाउनुहुनेछ ।’ छोरी आयंकासँग पुगेकी प्रियंकाले चाँडै नै श्रीमान् आयुष्मान देशराज जोशी र परिवार नै लिएर आउने जानकारी गराइन् ।

भारतस्थित होप उप भनिने फनपार्कको सहयोगमा यो फेमेली फन पार्क नेपालमा संचालनमा आएको हो । नेपालकै पहिलो यो फेमेली फन पार्कलाई देशका अन्य स्थानमा पुर्याउने योजना संचालक टीमले बनाएको छ । विभिन्न खेलको मज्जा एकै ठाउँ दिएर परिवारलाई नै मनोरन्जन दिलाउनु फन पार्कको मुख्य उद्देश्य हो ।