बुटवलमा थप एक कोरोना संक्रमितको मृत्यु

रूपन्देही । रुपन्देहीमा थप एक कोरोना संक्रमितको मृत्यु भएको छ । योसहित रुपन्देहीको बुटवलमा आज बिहानमात्रै तीनजना संक्रमितको मृत्यु भएको छ ।

अस्थायी कोरोना विषेष अस्पतालमा अर्घाखाँची मालारानी-५ की ७९ वर्षीय महिलाको बिहान साढे ९ बजे मृत्यु भएको अस्पतालका प्रवक्ता डा. विष्णु गौतमले जानकारी दिए ।

आज बिहान ५ बजे प्युठान स्वर्गद्वारी-९ का ४३ वर्षीय पुरुष र ७ बजेर २३ मिनेटमा रुपन्देही तिलोत्तमाकी ७१ वर्षीया महिलाको मृत्यु भएको थियो ।