भन्सारमा सामान आएको छ भन्दै पैसा माग्नेलाई नदिनुस्: त्रिवि भन्सार कार्यालय

काठमाडौं । त्रिभुवन अन्तर्राष्ट्रिय विमानस्थलमा विदेशबाट सामान आएको छ भन्दै पैसा माग्नेलाई पैसा नदिन त्रिभुवन विमानस्थल भन्सार कार्यालयले भनेको छ । विदेशबाट सामान आएको भन्दै धेरै मान्छेहरु भन्सारमा सोध्न आउने गरेका छन् ।

‘फोन तथा विभिन्न सामाजिक संजालका माध्यमको प्रयोग गरी विभिन्न व्यक्तिले विदेशबाट तपाईको नाममा सामान आएको छ । सामान त्रिभुवन विमानस्थल भन्सार कार्यालयमा राखिएको छ । उक्त सामान छुट्याउन पैसा लाग्छ । पैसा तुरुन्त पठाउनुहोस् भन्दै अनुरोध गर्ने गरेको भनि भन्सारमा सोधपुछ गर्न आउने व्यक्तिको संख्या बढ्दै गएको छ,’ भन्सारले भनेको छ ।

यस्तो गलत सूचनाको प्रलोभनमा परी अन्जान व्यक्तिलाई सामान पाउने आशमा कुनै रकम भुक्तानी नगर्न भन्सारले अनुरोध गरेको छ ।