गायिका एलिना चौहान दरबार मार्गमा प्रस्तुती दिँदै

काठमाडौँ । गायिका एलिना चौहानले दरबार मार्गमा प्रस्तुतती दिने भएकी छन् । भ्यालेन्टाइन डेको अवसर पारेर एलिनाले माघ २८ गते दरबार मार्गको मन्नत प्यालेसमा प्रस्तुती दिने भएकी हुन् ।

कार्यक्रममा गायिका चौहानले धोकेबाज, कट्टा हान्दिन्छु, कुरा काट्ने मान्छेले काटुन्, मिनिरल वाटर, इन्स्टाको फोटो लगायतका गीतहरु गाउनेछिन् ।

गायिका एलिनासँगै गायक कर्म ग्याल्जेन र लाइभ ब्याण्डको पनि प्रस्तुती रहनेछ । प्रणय दिवसको पूर्व सन्ध्यामा सदाझैं नयाँ उमंग नयाँ ठाउँ प्रणय दिवसमा जाउँ भन्ने उदेश्यसहित मन्नत प्यालेसले भव्य रुपमा सांगीतिक साँझको आयोजना गरेको जनाएको छ । कार्यक्रम माघ २८ गते साँझ ७ बजेदेखि राति साढे १ बजेसम्म संचालन हुने आयोजकले जनाएको छ ।