नेपाल प्रहरीका १६ एसएसपीको काज सरुवा (सूचीसहित)

काठमाडौं । नेपाल प्रहरीका १६ जना प्रहरी वरिष्ठ उपरीक्षक (एसएसपी)को काज सरुवा भएको छ । उपप्रधान एवम गृहमन्त्री नारायणकाजी श्रेष्ठले शुक्रबार मन्त्रीस्तरीय निर्णय गर्दै जनपद प्रहरी समूहतर्फका एसएसपीको काज सरुवा गरेका हुन् ।

सरुवा सूची अनुसार मानव बेचविखन अनुसन्धान व्यूरोका प्रमुख फेरिएका छन् । ब्यूरोको प्रमुखको जिम्मेवारीमा रहेका एसएसपी जिवनकुमार श्रेष्ठको काठमाडौं उपत्यका ट्राफिक प्रहरी कार्यालय रामशाहपथमा सरुवा भएको छ भने काठमाडौं उपत्यका प्रहरी कार्यालय शान्ति सुरक्षा महाशाखा प्रमुख रहेका ओमबहादुर रानालाई व्यूरको प्रमुखको जिम्मेवारी दिइएको छ ।

काठमाडौं उपत्यका ट्राफिक प्रहरी कार्यालयका प्रवक्तासमेत रहेका राजेन्द्रप्रसाद भट्टको कर्णाली प्रदेश प्रहरी तालिम केन्द्र सुर्खेत (हाल नेपालगञ्ज)मा काज सरुवा भएको छ ।

त्यहाँ कार्यरत रहेका सुशिलसिंह राठौरको कोशी प्रदेश प्रहरी कार्यालय शान्ति सुरक्षा महाशाखा बिराटनगर, मोरङ (काज भने नेपाल प्रहरी अस्पताल महाराजगञ्ज काठमाडौं) भएको छ ।

यस्तै त्रिभुवन अन्तराष्ट्रि विमानस्थल सुरक्षा कार्यालयमा दोस्रो बरियतामा रहेका दीप शम्शेर जवराको बागमती प्रदेश प्रहरी कार्यालय अपराध नियन्त्रण तथा अनुसन्धान महाशाखा हेटौडा, मकवानपुर (काज : राष्ट्रिय प्रहरी प्रशिक्षण प्रतिष्ठान महाराजगञ्ज)मा भएको छ भने बागमती प्रदेश प्रहरी तालिम केन्द्र दुधौली सिन्धुलीमा कार्यरत रहेको कृष्णहरी शर्माको त्रिभुवन अन्तराष्ट्रिय बिमानस्थल सुरक्षा कार्यालयमा सरुवा भएको छ ।

अघि नै प्रहरी प्रधान कार्यालय सुपरिवेक्षण तथा अनुगमन महाशाखाबाट जिल्ला प्रहरी परिसर ललितपुरको प्रमुखको जिम्मेवारी पाएका शेखर खनालको पनि काज सरुवा भएको छ ।

काे कहाँ पुगे ?