नेपाललाई एक खेल अगावै क्यानडाविरुद्धको सिरिज जित्ने अवसर

काठमाडौं । क्यानडाविरुद्धको ३ खेलको एक दिवसीय सिरिज अन्तर्गत नेपालले आज दोस्रो खेल खेल्दै छ । उक्त खेल टीयू क्रिकेट मैदानमा बिहान सवा ९ बजे सुरु हुनेछ ।

पहिलो खेलमा जित निकालेको नेपाललाई दोस्रो खेल जित्दै सिरिज जित्ने अवसर छ । बिहीबार भएको पहिलो खेलमा नेपालले क्यानडालाई ७ रनले पराजित गरेको थियो ।

आजको खेलमा जित हासिल गरेमा एक खेल अगावै क्यानडाविरुद्धको ३ खेलको एक दिवसीय सिरिज नेपालले जित्नेछ । यो खेल क्यानडाले जितेमा अन्तिम खेलले सिरिजको टुंगो लाग्नेछ ।