नेपालविरुद्ध क्यानडाले पहिला ब्याटिङ गर्दै, आकाशको डेब्यु
नेपाल प्रेस
२०८० माघ २७ गते ९:०६
काठमाडौं । नेपालविरुद्धको एकदिवसीय सिरिज अन्तर्गतको दोस्रो खेलमा क्यानडाले टस जितेर पहिला ब्याटिङ गर्ने निर्णय लिएको छ ।
टियु क्रिकेट मैदानमा क्यानडाका कप्तानले नेपालविरुद्ध टस जितेर पहिला ब्याटिङ गर्ने निर्णय लिएका हुन् ।
नेपालका तीव्र गतिका बलर आकाश चन्दले डेब्यु गरेका छन् । उनले पहिलो पटक क्यानडाविरुद्ध डेब्यु गरेका हुन् । यू-१९ विश्वकप क्रिकेटमा आकाशले उत्कृष्ट प्रदर्शन गरेका थिए ।
क्यानडाविरुद्ध अनिल शाह, देव खनाल पनि टिममा समावेश छन् । कुशल भुर्तेल, आरिफ शेख र ललित राजवंशीलाई आजको खेलमा आराम दिइएको छ ।
आजको खेलमा अनिल शाहले नेपालको किपिङ गर्नेछन् ।
बिहीबार भएको पहिलो खेलमा नेपालले क्यानडालाई ७ रनले पराजित गरेको थियो ।
नेपाल प्रेस
प्रकाशित: २०८० माघ २७ गते ९:०६
प्रतिक्रिया
सम्बन्धित खवर
