१९ बलमा अर्धशतक हानेर अनिल साह आउट
नेपाल प्रेस
२०८० माघ २७ गते १४:०८
काठमाडौं । नेपाललाई आक्रामक सुरुआत दिलाएका ओपनर अनिल शाहले १९ बलमा अर्धशतक बनाएका छन् ।
२८६ रनको लक्ष्य पच्छ्याएको नेपालले सातौ ओभरको खेल जारी रहँदा ६४ रन जोडेको छ ।
शाहले ३ छक्का र तीन चौका प्रहार गरे ।
शाहले नेपालका लागि ओडीआईमा सबैभन्दा छिटो अर्धशतक प्रहार गर्ने खेलाडीको कीर्तिमानी आफ्नो नाममा बनाएका छन् ।
उनले १९ बलमा अर्धशतक पूरा गर्दै अनिलले कीर्तिमानी आफ्नो नाममा बनाएका हुन् । यसअघि उक्त कीर्तिमानी २१ बलमा अर्धशतक पूरा गरेका आसिफ शेखको नाममा थियो ।
योसँगै नेपाललाई दोस्रो झट्का लागेको छ । पहिलो विकेटका रुपमा ओपनर आसिफ शेख १५ बलमा १० रन बनाउँदै आउट भएका थिए । नेपालले ६ ओभर ४ बलमा २ विकेट गुमाएर ६४ रन बनाएर खेलिरहेको छ । क्रिजमा कप्तान रोहित पौडेल र देव खनाल छन् ।
नेपाल प्रेस
प्रकाशित: २०८० माघ २७ गते १४:०८
प्रतिक्रिया
सम्बन्धित खवर
