‘दयारानी’को सप्ताहान्त कमाई सुखद, यस्तो भन्छन् वितरक

काठमाडौं । शुक्रवारदेखि प्रदर्शनमा आएको ‘दयारानी’ले नेपाली वक्स अफिसमा सुखद सुरुआत गरेको छ ।

शुक्रवार र शनिवार कारोबार उत्साहजनक भएको वितरकले बताएका छन् ।

वितरक प्रचण्डमान श्रेष्ठका अनुसार शुक्रवार सिनेमाले शुक्रवार मध्यान्हबाट मोफसलमा ८० प्रतिशतको अकुपेन्सी कायम गरेको थियो भने राजधानीमा ५० ५ माथिको अकुपेन्सी गरेको छ।

उनले सिनेमाको सुखद कारोबारले ‘दयारानी’ले केही स्टेसनहरूमा शोहरू थप भएको जानकारी दिए ।

माओत्से गुरुङको निर्देशकीय डेब्यू सिनेमाले सिनेमाको प्रमुख पुरुष पात्रले आफू कहिल्यै बाबु बन्न नसक्ने तथ्य लुकाउँदाको सामाजिक र पारिवारिक अवस्था र त्यसले निम्त्याउने परिस्थितिमा आफ्नो कथा पेस गरेको छ ।

सिनेमामा दयाहाङ राई तथा दीया पुनको प्रमुख भूमिका रहेको छ । उनीहरूका अलावा सिनेमामा नयन गुरुङ, शिरिषा कुँवर, पुष्कर गुरुङ, प्रमिश गुरुङ, विजय बराल आदिको अभिनय रहेको छ।