नेपाली कथानक चलचित्र मेयरको शुभमूहुर्त

काठमाडौं । चलचित्र मेयरको शुभमूहुर्त गरिएको छ । बुधबार बिहान नारायणहिटी दरबाको मन्दिरमा चलचित्र मेयरको शुभमूहुर्त गरिएको हो ।

चलचित्र मेयरको कथा सर्लाही जिल्ला, बागमती नगरपालिकाका मेयर भरत थापाको जीवन संघर्षलाई आधार मानेर तयार पारिएको निर्माण पक्षले जनाएको छ ।

केही राम्रो काम गरेरै छोड्छु भन्ने दृढ सपना भएको मान्छेले कठीन परिस्थिति, घात प्रतिघातका बीचमा पनि संघर्ष गरेर समाजलाई आर्थिक, सामाजिक र शैक्षिक रुपमा कसरी राम्रो बाटोमा डोर्याउन सक्छ भन्ने विषयमा केन्द्रित छ चलचित्र मेयरको कथा रहेको जनाइएको छ ।

चलचित्र मेयर पटकथा प्रडक्शनले निर्माण गर्न लागेको हो । चलचित्रको निर्देशक र कार्यकारी निर्माता हुन् दीपेन्द्र के. खनाल । त्यस्तै, निर्माता हुन् शर्मिला पाण्डे र श्रृष्टिमाँ खनाल । चलचित्रको पटकथा महेश दवाडीले लेखेका हुन् भने चलिचित्र मेयर कृष्ण बहादुर थापाले खिच्नेछन् । त्यस्तै चलचित्र मेयरमा जयन जे वाइवा र कल्याण सिंहको संगीत रहनेछ ।

चलचित्र मेयरमा शिर्ष भूमिकामा अभिनेता खगेन्द्र लामिछानेले अभिनय गर्नेछन् भने उनको अपोजिटमा वर्षा राउतले अभिनय गर्नेछिन् ।

त्यस्तै अर्पण थापा, अनुप बराल, दिव्यदेव, प्रकाश घिमिरे, हरिहर शर्मा, रवीन्द्र झा, रमेश बुढाथोकी, अर्विशा थापा, सञ्जोग रसाइली, आशान्त शर्मा, प्रभाकर न्यौपाने, झकेन बिसी लगायत अन्य कलाकारले चलचित्र मेयरमा अभिनय गर्नेछन् ।

यो चलचित्रबाट निर्माताको रुपमा श्रृष्टिमाँ खनाल र कलाकारको रुपमा अर्विशा थापाले डेब्यू गर्दैछन् ।