लिग-२ छोडेर आइएल टी-२० खेल्न गएका दीपेन्द्र तेस्रो खेलमा पनि बेन्चमा

काठमाडौं । नेपाली क्रिकेट टीमका अलराउन्डर दीपेन्द्रसिंह ऐरी अहिले युएईमा छन् । उनी आइएल टी–२० प्रतियोगितामा भाग लिन युएई पुगेका हुन् । आइएल टी–२० भाग लिन जादा दीपेन्द्रले आईसिसी लिग–२ अन्तर्गतको पहिलो सिरिजको पहिलो खेल गुमाइसकेका छन् ।

उनले बिहीबार भएको नेपाल र नामिबियाबिचको खेल गुमाएका हुन् । आइएल टी–२० क्रिकेट प्रतियोगिताको फाइलन खेल शनिबार छ । यदी दीपेन्द्र सम्मेलित टिम फाइलनमा पुगेको खण्डमा उनले नेदरल्यान्डविरुद्धको खेल पनि गुमाउने छन् ।

दीपेन्द्र सम्मेलित गल्फ जायन्टस पराजित दोस्रो क्वालिफायरमा दुवई क्यापिटलसंग खेल्दैछ । उक्त खेलमा पनि उनी प्लेइङ–११ मा परेका छैनन् । उक्त खेलमा गल्फ टस जितेर पहिला ब्याटिङ गर्ने निणर्य लिएको छ । आइएल टी–२० खेल्न शुक्रबार युएई पुगेका दीपेन्द्र लगातार ३ खेलमा बेन्चमा बसेका छन् ।

गल्फ जायन्टस बुधबार भएको पहिलो क्वालिफायर खेलमा एमआई एमिरेट्ससंग ४५ रनले पराजित भएको थियो । गत शनिबार भएको खेलमा पनि दीपेन्द्र बेन्चमै थिए ।