लिग २: नेपालका स्पिनर चम्किँदा नेदरल्याण्ड्सको ब्याटिङ ‘कोल्याप्स’

काठमाडौं । आईसीसी लिग २ मा नेदरल्यान्डस् विरूद्ध नेपालका बलरहरूले शानदार प्रदर्शन गरेका छन् । नेपाली स्पिनरहरू चम्किएपछि नेदरल्यान्डसको ब्याटिङ धराशयी बनेको छ ।

फास्ट बलर सोमपाल कामीले पहिलो ओेभरमै विकेट लिएर नेपाललाई उत्कृष्ट सुरूवात दिलाएका थिए । त्यसपछि नेपालका स्पिनर खेलमा हावी भएका हुन् ।

ललित राजवंशीले दुई तथा रोहित पौडेल एक र कुशल भुर्तेलले ३ विकेट लिएका छन् । नेपालले उत्कृष्ट फिल्डिङ गर्दै नेदरल्यान्डसका दुई ब्याट्सम्यानलाई रन आउट बनाए ।

यो समाचर लेख्दासम्म नेदरल्यान्डस् ३५ ओभरमा ९ विकेट गुमाएर १२७ रन बनाएको छ । नेदरल्यान्डसका कप्तान स्टक एडवर्ड्स ३३ रन बनाएर आउट भए । उनलाई भुर्तेलले एलबीडब्लु धरापमा पारेका हुन् ।