पत्रकार मिश्र सम्मानित

कैलाली  । विगत लामो समयदेखि पत्रकारिताका माध्यमबाट नागरिकलाई सु-सूचित पार्ने तथा समाजसेवामा विशेष योगदान पुर्‍याएको भन्दै पत्रकार प्रकाश मिश्र सम्मानित भएका छन् ।

शनिवार सुप इन्टरटेनमेन्ट हाउस प्रालीको आयोजनामा धनगढीमा आयोजित दोस्रो सुप इन्टरटेनमेन्ट म्युजिक अवार्डको समापन समारोहमा पत्रकार मिश्रलाई युवा समाजसेवी सम्मान -२०८० बाट सम्मान गरिएको हो ।

कैलालीको सञ्चार क्षेत्रमा लामो समयदेखिको क्रियाशीलतामा नागरिकका आवाज बुलन्दरुपमा उठान गरेको ,पत्रकारिताको माध्यमबाटै सामाजिक कार्यका क्षेत्रमा महत्त्वपूर्ण योगदान गरेका कारण पत्रकार मिश्रलाई सम्मानित गरिएको आयोजक संस्थामा अध्यक्ष अनुप चन्दले बताए ।

सम्मान ग्रहणपछि पत्रकार मिश्रले आफूले गरेको कार्यको उच्च मूल्याङ्कन गर्दै सम्मान गरेकोमा आयोजकलाई धन्यवाद दिए । सम्मानपछि आफूलाई अझै जिम्मेवारी बढेको महसुस भएको भन्दै अझै सशक्त पत्रकारितासंगै समाजसेवालाई निरन्तरता दिने बताए ।