सानदार जित निकाल्दै लिभरपुल पहिलो स्थानमा

हेटौँडा । आफ्नो उत्कृष्ट लयलाई कायम गर्दै इङ्ग्लिस प्रिमियर लिग अन्तर्गत खेलमा लिभरपुल विजयी भएको छ । लिभरपुलले ब्रेन्टफोर्डमाथि ४-१ को जित निकालेको हो ।

खेलको ३५औँ मिनेटमा डियोगो जोटाको पासमा डार्विन नुनेजले उत्कृष्ट चिप गोल गर्दै खेलमा लिभरपुलका लागि अग्रता दिलाएका थिए । पहिलो हाफ १–१ ले अघि रहेको लिभरपुलको लागि ५५औँ मिनेटमा कयालिस्टरले गोल गर्दै लिभरपुलको अग्रता दोब्बर बनाए ।

खेलको ६८औँ मिनेटमा लिभरपुलका स्टार सालाहले तेस्रो गोल गरे । ७५औँ मिनेटमा ब्रेन्टफोर्डका लागि इभान टोनीले एक गोल फर्काएका थिए । तर ८६औँ मिनेटमा गाक्पोले चौथो गोल गर्दै लिभरपुललाई सानदार जित दिलाए ।

जित पछि शीर्ष स्थानमा रहेको लिभरपुलको २५ खेलमा ५७ अंक भएको छ । दोस्रो स्थानमा रहेको म्यानचेस्टर सिटीको २४ खेलमा ५३ अंक छ । ब्रेन्टफोर्ड भने २४ खेलमा २५ अंक सहित १४औँ स्थानमा छ ।