नेपाली बलरमाथि नेदरल्यान्ड्सका ब्याट्सम्यान हावी

काठमाडौं । आईसीसी विश्वकप लिग–२ क्रिकेटअन्तर्गत अहिले नेपालविरुद्ध १७३ रनको लक्ष्य पछ्याइरहेको नेदरल्यान्ड्स बलियो स्थितिमा देखिएको छ ।

त्रिवि क्रिकेट मैदानमा भइरहेको खेलमा नेदरल्यान्ड्सले ३४ ओभरमा २ विकेट गुमाएर एक सय ४८ रन जोडेको छ । नेदरल्यान्ड्सलाई जितका लागि अब केवल २५ रन आवश्यक छ ।

नेदरल्यान्ड्सका विक्रमजित सिंह ४५ र साइब्रान्द इंगलबेच्ट ३४ रनमा खेल्दैछन् । यी दुईबीच ७७ रनको साझेदारी भइसकेको छ ।

पहिलो विकेटका लागि ६१ रनको साझेदारी गर्दै नेदरल्यान्ड्सले शानदार सुरुवात गरेको थियो । नेदरल्यान्ड्सका प्रारम्भिक ब्याट्सम्यानद्ध म्याक्स ओदोद २८ र माइकल लेविटले ३९ रन बनाए । नेपालका दीपेन्द्रसिंह ऐरी र ललितनारायण राजबंशीले एक एक विकेट लिएका छन् ।