गायिका अञ्जु पन्त र प्रताप दासको ‘बादलभित्र’ सार्वजनिक

काठमाडौं । गायिका अञ्जु पन्त र प्रताप दासको स्वरबद्ध नयाँ गीत ‘बादलभित्र’ सार्वजनिक भएको छ ।

गीतमा विष्णु भण्डारीको शब्द र अर्जुन पोखरेलको संगीत रहेको छ । रोमान्टिक गीतको एरेन्ज कुशल सिंहले गरेका हुन् । मिक्सिङ र मास्टररिङ नरेश बीबीसीले गरेका हुन् । गीतको रेकर्डिङ ए प्लस स्टुडियोमा गरिएको हो ।

युट्यु्बमार्फत् सार्वजनिक गरिएको गीतको म्युजिक भिडियोमा दिनेश विष्ट र हीर शाहीलाई फिचरिङ गरिएको छ । विक्रम चौहानले भिडियोको कोरियोग्राफी र निर्देशन गरेका हुन् ।

ढोरपाटन, पोखरा र बागलुङ आसपासका रमाइला स्थानहरुमा खिचिएको भिडियोमा दिनेश र हीर रोमान्टिक मुडमा देखिन्छन् ।