चन्द्रागिरि केबलकारमा एपीएफले गर्यो उद्धार अभ्यास
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/02/423542062_925193868876048_8668682444956671353_n-e1709029441488.jpg)
काठमाडौं। सशस्त्र प्रहरी बल (एपीएफ) नम्बर ९ पशुपतिनाथ बाहिनी मुख्यालय बलम्बु काठमाडौंको आयोजना र चन्द्रागिरि हिल्स प्रालीको सहकार्यमा चन्द्रागिरि केबलकारमा आपतकालीन उद्धार अभ्यास सञ्चालन भएको छ।
३ दिनसम्म सञ्चालन भएको कार्यक्रम कृत्रिम घटनाक्रममा आधारित ‘सिमुलेसन’ अभ्यास गरी सम्पन्न भयो ।
उक्त कार्यक्रममा पशुपतिनाथ बाहिनी मुख्यालयका बाहिनीपति पुरूषोत्तम थापा, चन्द्रागिरि हिल्सका कार्यकारी निर्देशक अरुण प्रधान लगायत काठमाडौँ उपत्यका प्रहरी कार्यालयका प्रतिनिधि, उपत्यका स्थित सप्रबल, नेपालका गणहरू तथा गुल्मका प्रमुखहरू, स्थानीय जनप्रतिनिधिहरू र सञ्चारकर्मीहरूको उपस्थित रहेको थियो ।
उक्त उद्धार अभ्यासमा पशुपतिनाथ बाहिनी मुख्यालयको तर्फबाट सशस्त्र प्रहरी नायव उपरीक्षक कमल बहादुर अधिकारीको कमान्डमा विपद् व्यवस्थापन तालिम प्राप्त २६ जना र चन्द्रागिरि हिल्सको तर्फबाट मेकानिकल इन्जिनियर मधुकर बलामीको कमान्डमा ८ जना गरी जम्मा ३४ जना उद्धारकर्ताहरु सहभागी थिए।
उदाहरणीय अनुकरणीय स्तुत्य कार्य ।