दिलिप रायमाझीकी छोरीले प्रदीप खड्कासँग स्क्रिन सेयर गर्दै, बुवाआमाले गरे सम्झौता

काठमाडौं । अभिनेता दिलीप रायमाझीकी छोरी दिव्या रायमाझी ‘एक्टर’मा अनुबन्धित भएकी छन् । उनले चलचित्र ‘एक्टर’ मा नायक प्रदीप खड्कासँग स्क्रिन शेयर गर्ने भएकी हुन् ।

बिहीबार चलचित्र निर्मातासँग दिव्याको तर्फबाट उनका बुवा दिलीप रायमाझी र आमा मञ्जु रायमाझीले सम्झौता गरेका हुन् । दिव्या हाल अमेरिकामै भएकाले दिलीप र मञ्जुले सम्झौता पत्रमा हस्ताक्षर गरेका हुन्।

चलचित्रमा यसअघि नै प्रदीप खड्का, आना शर्मा र राजबल्लभ कोइराला अनुबन्धित भइसकेका छन् । वैशाखको पहिलो साताबाट छायांकन सुरु हुने यो चलचित्रको प्रदर्शन भने कात्तिकमा हुनेछ ।

चलचित्रलाई राजन भुसालले निर्देशन र थमन भण्डारीले निर्माण गर्दैछन् । दिव्याको यो डेब्यु चलचित्र भने होइन। यस अघि उनी चलचित्र ‘वरिष्ठ बलराम’मा अनुबन्धित भईसकेकी छन्।