वाफ उपविजेता महिला फुटबल टीमका खेलाडीलाई एन्फाले साेमबार जनही ५१ हजार दिने

काठमाडौं । वाफ च्याम्पियनसिपको उपविजेता बनेको नेपाली महिला फुटबल टीमका खेलाडीलाई एन्फाले जनही ५१ हजार रुपैयाँ नगद पुरस्कार दिने भएको छ । बिहीबार साउदी अरबमा भएको फाइनल खेलमा टाइब्रेकरमा चुक्दा उपाधि चुम्नबाट नेपाल चुकेको थियो ।

खेलाडीहरुलाई आज त्रिभुवन अन्तर्राष्ट्रिय विमानस्थलमा स्वागत गर्दै एन्फा अध्यक्ष अध्यक्ष पन्कज नेम्वाङले साेमबार पुरस्कार दिने घोषणा गरे । त्यस्तै, घाइते खेलाडी सम्पूर्ण जिम्मा एन्फाले लिने पनि उनले बताए ।