चाेट बाेकेर आएकी प्रिती राईकाे अठाेट: अझ बलियाे भएर मैदानमा फर्किन्छु

काठमाडौं । नेपाली महिला फुटबलको प्लेमेकर प्रिति राईले नेपाली महिला टिम र आफू अझ बलियो भएर मैदानमा फर्कने बताएकी छन् ।

वाफ महिला च्याम्पियनसिपमा उपविजेता भएर स्वदेश फर्केपछि सामजिक संजालमा स्टाटस लेख्दै राईले महिला फुटबल टोलीलाई माया र समर्थनको लागि सबैलाई धन्यवाद दिएकी छन् ।

फाइनलमा घाइते भएर बीचबाटै खेल गुमाएकी राईले आफू घाइते भएपनि अझ बलियो भएर टिममा फर्कने विश्वास ब्यक्त गरेकी छन् ।

उनले सामाजिक संजालमा लेखेकी छन्,‘ म यस देशमा जन्मेकोमा, राष्ट्रको प्रतिनिधित्व गर्न सक्षम भएकोमा र मेरो छेउमा यी सबै अद्भुत व्यक्तिहरू भएकोमा म कति कृतज्ञ छु भनेर व्यक्त गर्न सक्दिन। म विश्वास गर्न सक्दिन कि त्यहाँ १५ हजार देखि १८ हजार माइल यात्रा गर्ने मानिसहरू मात्र हामीलाई खेल्न हेर्न आएका थिए र म तपाईंहरू मध्ये प्रत्येकको साँच्चै कदर गर्छु .. यो वाफ च्याम्पियनसिप मैले अहिलेसम्म खेलेको उत्कृष्ट प्रतियोगिता हो। म घाइते भए पनि, मलाई थाहा छ कि यो अन्त्य होइन र म पहिले भन्दा बलियो र राम्रो फर्कने वाचा गर्दछु। सुनको लडाई यहीं रोकिँदैन । हामी हार्न सक्छौं, ठेस लाग्न सक्छौं, हामी पतन हुन सक्छौं तर हामी फेरि उठ्नेछौं र कहिल्यै हार मान्दैनौं ।

वाफ महिला च्याम्पियनसिपमा नेपाल सतप्रतिशत खेल जित्दै फाइनलमा भने जोर्डनसँग पराजित भएको थियो । निकै रोमान्चक खेलमा नेपाल पेनाल्टी सुट आउटमा पराजित भएको थियो ।