प्रकाश सुबेदी भन्छन्ः कुनै बेला सेन्सर बोर्डको सदस्य रहेकोमा आफैंलाई धिक्कार्छु

काठमाडौं। केन्द्रीय चलचित्र जाँच समिति (सेन्सर बोर्ड)ले चलचित्र ‘रंगेली’को शीर्षकमा आपत्ति जनाउँदै सेन्सर पासको प्रमाणपत्र दिन अस्वीकार गरेपछि यतिबेला सामाजिक सञ्जाल तातेको छ।

सेन्सर बोर्डको निर्णयलाई लिएर फिल्मकर्मीहरुले आपत्ति जनाइरहेका छन। आफ्नो समाजिक संजालमार्फत स्टाटस लेख्दै सेन्सर बोर्डले गरेको निर्णय उचित नभएको अधिकतमको गुनासो र आलोचना छ।

यसै बिच पत्रकार तथा कार्यक्रम प्रस्तोता प्रकाश सुबेदीले पनि सेन्सर बोर्डको निर्णयलाई लिएर गुनासो पोखेका छन। उनले कुनै समय आफू सेन्सर बोर्डको सदस्य रहेकोमा आफैलाई धिक्कारी रहेको बताएका छन्।

उनले लेखेका छन,’आफू पनि कुनै बेला सेन्सर बोर्ड को सदस्य बनेकोमा पछुतो मात्रै होइन आफूले आफूलाई धिक्कारी रहेको छु आज।’

बाँकी कुरा भने उनले आफ्नो कार्यक्रममै प्रष्टयाउने जनाएका छन।

अर्जुन सुवेदी निर्देशित ग्याङस्टर चलचित्र ‘रंगेली’ यहीँ फागुन २५ गते बाट प्रदर्शन हुँदैछ । सुरुमा चलचित्रको नाम ‘ग्याङस्टर रंगेली’ राखिएको थियो। तर पछि नाम परिवर्तन गरेर ‘रंगेली’ मात्र राखिएको हो।