गुल्सन भन्छन्- आफूले चाहेकोभन्दा पनि टीमको रोल के हो त्यसमा जानुपर्छ (भिडिओ)

काठमाडौं । अघिल्ला खेलमा जम्न नसकेका नेपाली राष्ट्रिय टिमका खेलाडी गुल्सन झाले नेदरल्यान्ड्सविरुद्ध विजयी इनिङ खेले । नेदरल्यान्ड्सविरुद्ध गुल्सनले कप्तान रोहित पौडेलसँग मिलेर ८७ रनको साझेदारी गरेका थिए ।

अघिल्ला खेलमा माथिल्लो क्रममा ब्याटिङ गर्न आएका गुल्सन नेदरल्यान्ड्सविरुद्ध चौथो नम्बर ब्याटिङ गर्न आएका थिए । उनले नेपाललाई ३६ बलमा ३८ रन योगदान दिए ।

ब्याटिङ अर्डरको विषयमा गुल्सनले आफूले चाहने भन्दा पनि टीमको रोलअनुसार खेल्नेपर्ने बताए । ‘आफूले चाहेको भन्दा पनि टिमको रोल के हो त्यसमा जानुपर्छ । खेलभन्दा पहिले सबै खेलाडीको रोल के हो क्लियर हुन्छ,’ उनले भने ।

नराम्रो खेलेको बेला सबैले मोटिभ गर्ने गरेको गुल्सनले सुनाए । उनले भने, ‘खेलाडीको रूपमा मलाई बुझ्नुपर्छ सधैँ राम्रो हुँदैन । नराम्रो भएको बेला दाइहरूसँग कुरा गर्दै उहाँले कन्फिडेन्स दिनुभएको थियो ।’