‘केटी हराएको सूचना’मा सृष्टिसँग जोडी बाँध्दै नाजिर
नेपाल प्रेस
२०८० फागुन २१ गते १४:४६
काठमाडौं । अभिनेता नाजिर हुसेन नयाँ फिल्ममा अनुबन्धित भएका छन् । सोमबार स्कृप्ट लिएर पूजा गर्दे नयाँ फिल्म ‘केटी हराएको सूचना’ घोषणा गरिएको हो ।
यस फिल्ममा नाजिरसँगै अभिनेत्री सृष्टि श्रेष्ठ मुख्य भूमिकामा रहने छन् । उनीहरूले पहिलो पटक जोडी बनेर सहकार्य गर्न लागेका हुन् ।
ट्राइसीटी पिक्चर्स प्रोडक्सन कम्पनीबाट निर्माण हुन लागेको यो फिल्ममा दीपेन्द्र गौचनको लेखन तथा निर्देशन रहेको छ । गौचनले यस अघि चर्चित टेलीसिरियल ‘उजेली’ निर्देशन गरेका थिए ।
‘केटी हराएको सूचना’मा नकिम उद्दिमको लगानी रहेको छ ।
अम्बर महर्जन छायाँकार रहेको फिल्मको बिहीबार देखि काठमाडौँ र जनकपुरमा गरिने निर्माण पक्षले जनकारी दिएको छ ।
अभिनेता नाजिरको यति बेला हलहरूमा फिल्म अगस्त्य च्याप्टर १ प्रदर्शनरत छ ।
नेपाल प्रेस
प्रकाशित: २०८० फागुन २१ गते १४:४६
प्रतिक्रिया
सम्बन्धित खवर
