मोडल श्रीषाको ‘त्यत्तिकै छोड’ को म्युजिक भिडिओ सार्वजनिक

काठमाडौं । गायिका तथा मोडल श्रीषा कुँवरको स्वर रहेको ‘त्यत्तिकै छोड’ बोलको गीतको भिडिओ बजारमा आएको छ । श्रीषा दयाहाङ राईको मुख्य अभिनय रहेको फिल्म ‘दयारानी’ की अभिनेत्रीसमेत हुन् । उनले २ दर्जन बढी म्युजिक भिडिओमा समेत अभिनय गरिसकेकी छिन् । मकाउमा छायाकंन गरिएको गीतको भिडिओमा म्यानमारकी मोडल ‘नान पो’ को अभिनय देख्न सकिन्छ ।

गायक तथा संगीतकार तुलाले नै छायांकन तथा सम्पादन गरेको गीतको भिडिओको निर्देशन पनि तुलाले नै गरेका हुन् । यसअघि पनि मकाउका विभिन्न रमणीय स्थानहरुमा नेपाली म्युजिक भिडिओ छायांकन गरेर तुलाले नेपाली गीत संगीतलाई अन्तर्राष्ट्रिय बजारमा पुर्‍याउने काम गरेको भन्दै प्रशंसा बटुलेकी थिइन् ।

भिडिओ वाइडस्किन मिडिया नामक युट्युब च्यानलबाट सार्वजनिक गरिएको हो ।