एमाले संखुवासभा अध्यक्षमा खड्गबहादुर सर्वसम्मत, अरु पदमा मतदान हुँदै

विराटनगर । नेकपा एमाले संखुवासभा जिल्ला कमिटीको अध्यक्षमा खड्गबहादुर राई सर्वसम्मत भएका छन् ।

जिल्ला कमिटीको नवौं अधिवेशनबाट अध्यक्षमा राई सर्वसम्मत चयन भएका हुन् । अध्यक्षमा भरत खत्रीले पनि आकांक्षा राखाका थिए । सचिवमा तीनजना दावेदार छन् ।

एमालेका स्थायी कमिटी सदस्य शेरधन राईका अनुसार अन्य पदाधिकारी र सदस्यमा भने मतदानको तयारी भइरहेको छ ।

अन्य पदमा पनि सर्वसम्मत नेतृत्व चयनको प्रयास भइरहेको केन्द्रीय सदस्य तुलसी न्यौपानेले बताए । उनकाअनुसार पालिकाहरुलाई दिएको कोटामध्ये ६ वटा पालिकामा सर्वसम्मत नेतृत्व चयन भएको उनले जानकारी दिए ।

४ वटामा भने पालिकालाई दिइको कोटा अनुसार सदस्य छनौटको काम बाँकी रहेको छ । पालिकामा भएको पार्टी सदस्यताको आधारमा सदस्य पद दिइएको छ ।

नेकपा एमाले सचिव तथा कोशी प्रदेश इन्चार्ज रघुवीर महासेठ, स्थायी कमिटी सदस्य शेरधन राई, प्रचार विभाग प्रमुख राजेन्द्र गौतम, केन्द्रीय सदस्य जीवन घिमिरे, तुलसी न्यौपानेलगायतका नेता अधिवेशनमा पुगेका छन् ।