मैले बोलेर भन्दा पनि काम गरें भने निराश हुनुपर्ने छैन : अर्थमन्त्री पुन

काठमाडौं । अर्थमन्त्री वर्षमान पुनले मन्त्रालयको कार्यभार सम्हाल्दै आफूले अहिलेका समस्यामा अर्थतन्त्रमाथि आशा जगाउने सकिने बताएका छन् । उनले शपथ ग्रहणपछि पदभार सम्हाल्दै यस्तो बताएका हुन् ।

उनले आफूले बोलेर भन्दा पनि काम गरेको खण्डमा निराश हुनु नपर्ने बताए ।

अर्थमन्त्री पुनले भने, ‘सजिलो छैन । यसअघि पनि सबैतिर समस्या भएका थिए । हामी अहिलेको समस्यमा अर्थतन्त्रमाथि आशा जगाउन सकिन्छ । यसमा सकारात्मक हुनुपर्छ । सबै क्षेत्र नराम्रो छैन केही क्षेत्र मात्रै नराम्रा र समस्यामा छन् । ति क्षेत्रहरूलाई प्राथमिकतामा राखेर काम गर्नेछौं । मैले बोलेर भन्दा पनि काम गरें भने निराश हुनुपर्ने कुरा छैन ।’

उनले विगतमा भएका असल प्रयत्नहरुलाई निरन्तरता दिने पनि बताए ।

‘विगतमा भएका असल प्रयत्नहरूलाई निरन्तरता दिँदै काम अघि बढाउँछु । यसअघि पनि विकनसमा काम गरिसकेको हुनाले कसरी जानुपर्छ भन्ने कुराको अनुभव छ । राजस्व संकलनमा पनि कहाँ–कहाँ कमजोरी छन् । त्यसमा काम गर्नेछौ’, उनले भने ।