बुद्धि तामाङले लुटे नायीका केकी अधिकारीको सपना (भिडियो)

काठमाडौं । इलामको चुलाचुली घर भई हाल बेलायत बस्दै आएका साहित्यकार, गीतकार नरेश विक्रम नेम्वाङको शब्दमा रहेको ‘लुट्यौ तिमीले’ गीत सार्वजनिक भएको छ ।

चर्चित नायीका केकी अधिकारी तथा हास्य कलाकार बुद्धि तामाङको अभिनय रहेको उक्त गीतमा संगीतकार शिखर सन्तोषको संगीत रहेको छ भने भारतिय चर्चित गायीका सञ्जिवनी तथा अर्का चर्चित गायक राज सिग्देलले गीतमा स्वर भरेका छन् ।

बेलायत बस्दै आएका साहित्यकार, गीतकार नेम्वाङ विगत लामो समयदेखि साहित्य सिर्जना गर्दै आइरहेका छन् । बेलायतमै रहेर नेपाली गितसंगीतको सेवामा समर्पित रहेका साहित्यकार नेम्वाङको यस गीतको म्युजिक भिडियो निर्देशन अहिलेका चर्चित म्युजिक भिडियो निर्देशक निकेश खड्काले गरेका हुन ।

म्युजिक नेपालको उत्पादन रहेको उक्त गीत म्युजिक नेपालको युट्युब च्यानलबाट सार्वजनिक भएको हो ।