युरोपा लिगमा लिभरपुलको सानदार जित

काठमाडौं । इंग्लिस क्लब लिभरपुलले युइएफए युरोपा लिगको प्रि–क्वाटरफाइनलको पहिलो लिगमा ५–१ को सानदार जित हासिल गरेको छ ।
बिहिबार राती भएको खेलमा लिभरपुलले चेक रिपब्लिक क्लब स्पार्टा प्रागमाथि ५–१ को जित हासिल गरेको छ ।

इङलिस क्लब लिभरपुलले खेलको छैठौं मिनेटमा पेनाल्टी मार्फत गोल गर्दै गोलको शृङ्खलाको सुरुवात गरेको थियो । लिभरपुलका म्याक एलिस्टारले गोल गर्दै टिमलाई १–० मा लगेका थिए ।

एकतर्फी देखिएको खेलको २५ औँ मिनेटमा डार्विन नुनेजको गोल मार्फत लिभरपुल २–० को अवस्थामा पुग्यो । स्पार्टाको घरेलु मैदानमा भएको खेलको पहिलो हाफको इन्ज्युरी समयमा नुनेजले ब्यक्तिगत दोश्रो गोल गर्दै टिमलाई ३–० को अवस्थामा लगे ।

दोश्रो हाफको पहिलो मिनेटमै लिभरपुलको तर्फबाट आत्मघाती गोल हुदा स्पार्टालाई केही राहत भयो तर ५३औं मिनेटमा लुइस डियाजले गोल गरेपछि लिभरपुल थप बलियो भयो ।

दोश्रो हाफको इन्ज्युरी समयमा डोमिनिकले गोल गर्दै लिभरपुललाई ५–१ को जित दिलाए । शुक्रबार भएको युरोपा लिगको अन्य खेलहरुमा भिल्लालाइ रियलले मार्सेलोले ४–० ले पराजित गर्दा स्पोर्टिङ सिपीविरुद्ध एटलान्टाले १–१को बराबरी खेले ।

अन्य खेलमा क्वारावाग एफकेविरुद्ध बायर लिभरकुसन २–२ म रोकियो भने रोमाले ब्राइटनलाई ४–० ले हरायो । एसी मिलानले स्लाभियालाई ४-२ ले पराजित गर्दा फ्रेइवर्ग ले वेस्ट ह्यमलाई १-० ले हरायो ।