प्रदीप शाहीको चलचित्रमा अभिनेता प्रदीप खड्का

काठमाडौं । लामो समयदेखि बेलायत बस्दै आएका निर्देशक प्रदीप शाहीको निर्देशनमा बन्ने नयाँ चलचित्रमा अभिनेता प्रदीप खड्का फाइनल भएका छन्।

गत वर्ष प्रदर्शनमा आएको चलचित्र ‘अन्तिम संस्कार’ निर्देशन गरेका निर्देशक शाहीको चलचित्रको टाइटल भने सार्वजनिक गरिएको छैन। ‘शाइ प्रोडक्सन नेपाल’को ब्यानरमा निर्माण हुने चलचित्रमा ह्याम्साएर एकाउन्टेनको सहकार्य रहनेछ।

अभिनेता खड्काको जन्मदिनको अवसर पारेर शनिवार निर्माण टिम र खड्का बिच सम्झौता भएको हो। चलचित्रको कथा निर्देशक शाहीले नै लेखेका हुन्।

थ्रिलर जनरामा निर्माण हुने चलचित्रको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री ‘क्षितिज’ ले बताए। चलचित्रमा मिथिकल एलिमेन्ट्सहरु पनि रहेको निर्देशक शाहीले जानकारी दिएका छन।