अध्यक्ष बिनाको बैठकमा नाउपाले गर्यो केन्द्रमा सरकारमा सहभागी नहुने निर्णय
नेपाल प्रेस
२०८० फागुन २८ गते २१:४२
कैलाली । नागरिक उन्मुक्ति पार्टीले केन्द्रमा सरकारमा सहभागी नहुने निर्णय गरेको छ ।
आज कैलालीको टिकापुरमा बसेको संस्थापक केन्द्रीय सदस्यको बैठकले तत्काल सरकारमा सहभागी नहुने तर दलहरूसँग छलफल र संवाद गर्ने निर्णय गरिएको संस्थापक केन्द्रीय सदस्य पूर्ण बुढाले जानकारी दिए ।
उनले भौगोलिक संस्कृति पहिचान सहितको संघीयता कार्यान्वयन गर्ने खप्तड थरुहट प्रदेश घोषणा गर्ने र लुम्बिनी वा सुदूरपश्चिम प्रदेश मध्य एक ठाउँमा थारु मुख्यमन्त्री बटम लाइन राखेको छ ।
त्यसका लागि दामोदर पण्डितको नेतृत्वमा वार्ता टोली गठन गरिएको केन्द्रीय सदस्य बुढाले जानकारी दिए ।
आजको बैठक ज्येष्ठ सदस्य दामोदर पण्डितको अध्यक्षतामा बैठक बसेको थियो । आज अध्यक्ष रन्जिता श्रेष्ठ बैठकमा उपस्थित थिइनन्
नेपाल प्रेस
प्रकाशित: २०८० फागुन २८ गते २१:४२
प्रतिक्रिया
सम्बन्धित खवर
