बुटवलको कोरोना अस्पतालमा संक्रमितको मृत्यु

रुपन्देही । बुटवलको कोरोना विशेष अस्पतालमा आज एक महिला संक्रमितको मृत्यु भएको छ ।

अस्पतालको आइसियुमा उपचाररत अर्घाखाँचीको सितगंगा नगरपालिका २ निवासी ७० वर्षीय महिलाको शुक्रबार मृत्यु भएको हो ।

कोभिड – १९ पोजेटिभ भएर चैत्र २९ गतेदेखि कोरोना अस्पतालमा उपचाररत ती महिलामा दिर्घरोग स्तन क्यान्सरको साथै ज्वरो, निमोनिय र श्वासप्रश्वासमा समस्या देखिएको लुम्बिनी प्रादेशिक अस्पतालका सूचना अधिकारी डा. विष्णु गौतमले जानकारी दिए ।