बस्तीमा डढेलो सल्किँदा भोजपुर टक्सारमा ६ घर जल्यो, आगो नियन्त्रणबाहिर (भिडिओ)

काठमाडौं । भोजपुर सदरमुकाम नजिकै टक्सारमा जंगलको डढेलो बस्तीमा पस्दा केही घर जलेको छ ।

भोजपुर नगरपालिका–१२ मा पर्ने टक्सारको मालबाँसेमा अहिलेसम्म ६ घर जलेको घटनास्थलमा रहेका पत्रकार अर्जुन बस्नेतले जानकारी दिए ।

डढेलो नियन्त्रणमा ल्याउने प्रयास जारी रहेपनि आगो अझै फैलिइरहेको जिल्ला प्रहरी कार्यालय भोजपुरका सूचना अधिकारी दलकुमार राईले जानकारी दिए ।

स्थानीय दुर्गा श्रेष्ठका अनुसार मालबाँसेको केही घरमा क्षति सँगै आगो झाँक्रीसल्ला टोलतिर सल्किएको छ ।

नेपाली सेना, प्रहरी र एपीएफसँगै स्थानीय आगो निभाउन जुटेका छन् । पहाडी क्षेत्रमा सुख्खायाम सुरू भएसँगै वनमा लाग्ने डढेलोले वर्षेनी नजिकैका बस्तीमा जोखिम बढ्ने गरेको छ ।