चेल्सी एफए कपको सेमिफाइनलमा

हेटौँडा । इङ्लिस क्लब चेल्सी एफए कपको सेमिफाइनलमा प्रवेश गरेको छ । आइतबार भएको खेलमा चेल्सीले लिचेस्टर सिटीलाई ४-२ गोलअन्तरले पराजित गर्दै सेमिफाइनल प्रवेश गरेको हो ।

चेल्सीको लागि कार्नी चुकवुमेकाले खेलको १३ औँ मिनेटमा गोल गर्दै टिमलाई १-० को अग्रता दिलाए ।

निकै प्रतिस्पर्धात्मक खेलको पहिलो हाफको इन्जुरी समयमा चेल्सीका कोल प्लामरले गोल गर्दै टिमलाई २-० को अग्रता दिलाए ।

दोस्रो हाफको ५१ औँ मिनेटमा चेल्सीले आत्मघाती गोल गर्दा लिचेस्टर खेलमा फर्कने प्रयासमा थियो । खेलको ६२ औँ मिनेटमा लिचेस्टरको स्टेभी माल्भिडिले गोल गरेपछि खेल रोमाञ्चक बराबरीको अवस्थामा पुग्यो ।

खेलको रोमाञ्चक पल ९० मिनेटपछि थपिएको समयमा आएर भयो । इन्जुरी समयको ९२ मिनेटमा चुकवुएम्काले गोल गर्दै चेल्सीलाई ३-२ को अवस्थामा लगे । इन्जुरी समयको अन्तिम मिनेटमा चेल्सीका माडुकेले गोल गर्दै चेल्सीलाई सानदार जित दिलाए।