म्यान्चेस्टर युनाइटेड एफए कपको सेमिफाइनलमा

काठमाडौं । इङलिस क्लब म्यानचेस्टर युनाइटेड एफए कपको सेमिफाइनलमा प्रवेश गरेको छ ।

गएराति भएको रोमाञ्चक खेलमा लिभरपुललाई ४–३ ले हराउँदै सेमिफाइनलमा प्रवेश गरेको हो । निकै रोमान्चक खेलमा अतिरिक्त समयमा गोल गर्दै युनाइटेडले सेमिफाइनलको यात्रा तय गरेको हो ।

खेलको १०औं मिनेटमा स्कट मकटोमिनेले गोल गर्दै युनाइटेडलाई खेलमा अग्रता दिलाएका थिए। तर पहिलो हाफको ४४औं मिनेटमा डार्विन नुनेजको क्रसमा एलेक्सिस मक्यालिसटारले गोल गर्दै खेल बराबरीमा ल्याए। त्यसपछि पहिलो हाफको इन्ज्युरी समयमा मोहम्मद सालाहले लिभरपुललाई २–१ को अग्रता दिलाएका थिए ।

खेल सकिन ३ मिनेट अघि युनाइटेडका लागि ८७औं मिनेटमा एन्टोनीले गोल गर्दै खेल २–२ को बराबरीमा ल्याएर अतिरिक्त समयमा धकेलिएको थियो ।

१०५औं मिनेटमा हार्भि एलियटले गोल गर्दै पुन गोल गर्दै टिमलाइ ३–२ को क्वस्थामा लगेका थिए । तर ११२औं मिनेटमा मार्कस र्यासफर्डले गोल युनाइटेडलाई ३–३ को बराबरी गरे । रोमान्चक खेलमा युनाइटेडका उमान्ड डालोले खेलको १ सय २१ औं मिनेटमा युनाइटेडका लागि निर्णायक गोल गरेपछी लिभरपुल एफए कपबाट बाहिरियो ।