मधेश सरकारबाट कांग्रेस आउट, एमाले इन- सरोज यादवले लिए शपथ
नेपाल प्रेस
२०८० चैत ५ गते १६:३१
जनकपुरधाम । मधेश सरकारमा नेकपा एमाले सहभागी भएको छ । एमाले संसदीय दलका नेता सरोजकुमार यादव भौतिक पूर्वाधार विकासमन्त्री बनेका छन् ।
प्रदेश प्रमुख सुमित्रा भण्डारीले उनलाई पद तथा गोपनीयताको शपथ गराइन् ।
मुख्यमन्त्री सरोजकुमार यादवले नेपाली कांग्रेसका भौतिक पूर्वाधार विकासमन्त्री कृष्ण प्रसाद यादवलाई बर्खास्त गरी एमालेका यादवलाई भित्र्याएका हुन् ।
स्रोतका अनुसार एमालेलाई थप तीन मन्त्रालय दिने सहमति बनेको छ । बाँकी २ मन्त्री पछि पठाउने तयारी छ । यस प्रदेशमा एमालेका २४ सांसद छन् ।
नयाँ सत्ता समीकरण अनुसार एमालेलाई प्रदेश सरकारमा सहभागी गराइएको छ भने कांग्रेसलाई सरकारबाट हटाइएको छ । नयाँ गठबन्धनमा लोसपा नरहेपनि प्रदेशमा सहभागी हुने बुझिएको छ ।
नेपाल प्रेस
प्रकाशित: २०८० चैत ५ गते १६:३१
प्रतिक्रिया
सम्बन्धित खवर
