बुटवलको मिलनचोकमा युवाहरुबीच चक्कु प्रहार हुँदा एक गम्भीर

रुपन्देही । बुटवलमा मंगलबार साँझ भएको युवाहरु बीचमा भएको विवादपछि चक्कु प्रहारबाट एकजना युवा घाइते भएका छन् । बुटवल ९ तिनकुने सिद्धार्थ होटल अगाडि साँझ ९ बजेतिर स्थानीय युवाहरुबीच भएको झगडामा चक्कु प्रहारबाट बुटवल उपमहानगर वडा नं ३ का सागर थापा गम्भीर घाइते भएका हुन् ।

प्रहरीका अनुसार उनको दायाँ कोखामा चक्कु प्रहारबाट घाइते छन् । घटनालगत्तै थापालाई उद्दार गरी लुम्बिनी प्रादेशिक अस्पताल पु¥याइएपनि अवस्था गम्भीर भएका कारण भैरहवास्थित मेडिकल कलेज पठाइएको छ ।

चक्कु प्रहार गरेको विषयमा बुटवल उपमहानगर वडा नं ३ का सुजन गलामी र युवराज पुनलाई प्रहरीले पक्राउ गरेको छ । इलाका प्रहरी कार्यालय बुटवलका प्रमुख विजयराज पण्डितले पक्राउ परेका दुईजनामाथि अनुसन्धान सुरु गरिएको बताए । प्रहरीका अनुसार दुवै पक्ष लागूऔषध प्रयोगकर्ताजस्तै रहेका छन् ।