मुगुमा जीप दुर्घटना हुँदा २ जनाको मृत्यु ४ घाइते

मुगु । मुगुको गमगढी देखि सोरु गाउँपालिका तर्फ जाँदै गरेको बोलेरो जीप दुर्घटना हुँदा दुई जनाको मृत्युु भएको छ भने चार जना घाइते भएका छन् ।

बुधबार गमगढीदेखि सोरुकोटतर्फ जाँदै गरेको बोलेरो जीप कच्यागाउँ नजिकै दुर्घटना हुँदा दुई जनाको मृत्यु भएको छ भने चार जना घाइते भएका हुन् ।

कर्णाली प्रदेश ०२–००१ ज ००५९ नम्बरको सो जिप सोरु–६ कच्यागाउँ नजिकको सडकबाट अन्दाजी १ सय तल खसेको जनाइएको जिल्ला प्रहरी कार्यालय मुगुका प्रमुख प्रहरी नायब उपरीक्षक वीरेन्द्र थापाले जानकारी दिए ।

उनका अनुसार दुर्घटनामा चालकसहित दुई जनाको घटनास्थलमै मृत्यु भएको र अन्य चार जना घाइते छन् ।

मृत्यु हुनेमा जिप चालक कविराज नेपाली र पहिचान नखुलेका एक जना महिला रहेकी छिन् । घाइते हुनेमा मन्जने नेपाली, सर्जन नेपाली , हीरादिङ नेपाली र प्रेम नेपाली रहेको प्रहरी नायब उपरीक्षक थापाले बताए ।

घाइतेको उपचार मुगु जिल्ला अस्पतालमा भइरहेको र मन्जनेको अवस्था गम्भीर रहेको थापाले जानकारी दिए ।