टस जितेर नेपाल ‘ए’ले आयरल्यान्ड ‘ए’विरुद्ध फिल्डिङ गर्दै
नेपाल प्रेस
२०८० चैत १७ गते १२:५३
काठमाडौं । दोस्रो टी–२० शृंखलाअन्तर्गत नेपाल ‘ए’ ले आयरल्यान्ड वल्भ्सविरुद्धको खेलमा टस जितेको छ ।
टीयू क्रिकेट मैदानमा केही बेरमा सुरु हुने खेलमा नेपाल ए का कप्तान विनोद भण्डारीले टस जितेर पहिलो फिल्ड गर्ने निर्णय गरेका हुन् ।
नेपालले टोलीमा २ परिवर्तन गरेको छ । पवन सर्राफ र विपिन खत्री टोलीमा आउँदा हेमन्त धामी र अर्जुन घर्ती बेन्चमा छन् ।
शुक्रबार पहिलो टी-२० अभ्यास खेलमा नेपाल ‘ए’ आयरल्यान्ड ‘ए सँग २१ रनले पराजित भएको थियो ।
आयरल्यान्ड ‘ए’ ले दिएको २२३ रनको लक्ष्य पछ्याएको नेपाल ‘ए’ १९ ओभर ३ बलमा २०१ रनमा समेटिएको थियो ।
नेपाल प्रेस
प्रकाशित: २०८० चैत १७ गते १२:५३
प्रतिक्रिया
सम्बन्धित खवर
