अर्थमन्त्रीका आर्थिक सल्लाहकारमा सूर्य थापा नियुक्त

काठमाडौं । अर्थमन्त्री वर्षमान पुनको प्रमुख आर्थिक सल्लाहकारमा प्रा.डा. सूर्यबहादुर थापा नियुक्त भएका छन् । बिहीबारको मन्त्रिपरिषद् बैठकले थापालाई सल्लाहकार नियुक्त गर्ने निर्णय गरेको हो ।

उनी त्रिभुवन विश्वविद्यालयका अर्थशास्त्रका प्राध्यापक हुन् । टियुबाटै विद्यावारिधि (पिएचडी) गरेका थापा विगत २६ वर्षदेखि प्राध्यापन पेशामा आवद्ध छन् । अर्थमन्त्री पुनले आगामी बजेट लेखनका लागि लेखन समूह गठन गरिसकेको छन् । बजेट लेखनको काम सुरु हुँदैगर्दा मन्त्री पुनका आर्थिक सल्लाहकारमा थापा नियुक्त भएका छन् ।