आमाको हत्या गरेको आरोपमा छोरा पक्राउ

हेटौंडा । मकवानपुरमा आफ्नै आमाको हत्या गरेको आरोपमा छोरालाइ प्रहरीले पक्राउ गरेको छ । मकवानपुरको थाहा नगरपालिका वडा नम्बर–१० तल्लो बिसिङ्ग खेलमा आफ्नै आमाको हत्या गरेको आरोपमा छोरा पक्राउ परेका हुन् ।

घरायसी बिवादमा स्थानीय ५० वर्षिय ज्ञानीमाया गमाललाई हत्या गरेको आरोपमा २६ वर्षिय मिलन गमाललाई इलाका प्रहरी कार्यालय पालुङले पक्राउ गरेको हो ।

गत फागुन ३० गते बिसिङ्गखेलमा बस्ने ज्ञानीमाया गमालको घरको ढोका बन्द रहेको कारण स्थानीयले बोलाउँदा घरको ढोका नखुलेको भन्ने खबर प्राप्त हुना साथ इलाका प्रहरी कार्यालय चित्लाङबाट खटीएको प्रहरी टोलीले स्थानियको रोहोवरमा ढोका खोली हेर्दा गमाल मृत फेला परेकी थिइन् ।

मृतकको पोष्टमार्टमका लागि टिचिङ अस्पताल पठाएकोमा शब आफन्तले बुझेका थिए । मृतक र घटनाको थप अनुशन्धान गर्दै जाँदा प्रविधिक खोज तथा स्थानिय समेतको अनुसन्धानबाट मृतकको छोरा मिलनले हत्या गरेको अनुसंधानबाट खुलेको प्रहरीले जनाएको छ ।