रोनाल्डोको ब्याक टु ब्याक ह्याट्रिक, अल नासारको फराकिलो जित

काठमाडौं । स्टार फुटबलर रोनाल्डोले लगातार दोश्रो खेलमा ह्याट्रिक गरेपछि साउदी प्रो लिगमा अल नासरले ८-० को विशाल जित दर्ता गरेको छ ।

आफ्नो उच्च प्रदर्शनलाई जारी राख्ने क्रममा रोनाल्डोको ह्याट्रिकको मद्तले मंगलबार अभालाई ८–० ले हराएको हो ।

खेलको ११ औं मिनेटमा पहिलो गोल गरेका रोनाल्डोले २१ औं मिनेटमा दोस्रो र ४४ औं मिनेटमा ह्याट्रिक पूरा गरेका थिए । यो सिजनमा रोनाल्डोको तेश्रो र समग्रमा उनको २५ औं ह्याट्रिक हो ।

अल नासारको लागि अब्दुलाजिज अल अलिवाले २ तथा साडियो माने, अब्दुल्माजीद अल सुलइहिम र अब्दुल रहमान घारिबले मिान १ गोल गरे ।
साउदी प्रो लिग अंक तालिकाको दोस्रो स्थानमा रहेको अल नासरको २६ खेलमा ६२ अंक पुगेको छ । टोली शीर्षस्थानको अल हिलालको समान खेलमा ७४ अंक छ ।