‘मनसरा’को अष्ट्रेलिया तथा मध्यपूर्व प्रदर्शन अधिकार बिक्री
नेपाल प्रेस
२०८० चैत २४ गते १७:११
काठमाडौं । उपेन्द्र सुब्बाको दोस्रो निर्देशन रहेको चलचित्र ‘मनसरा’को अष्ट्रेलिया तथा मध्यपूर्व प्रदर्शन अधिकार बिक्री भएको छ ।
नेपाली सिनेमाको अन्तर्राष्ट्रिय वितरणमा सक्रिय सेभेन सिजले ‘मनसरा’को वितरण अधिकार किनेको हो ।
सेभेन सिजले सिनेमालाई अष्ट्रेलिया, मध्यपूर्वसँगै अमेरिकामा पनि वितरण गर्नेछ । ‘मनसरा’ निर्माण पक्ष र सेभेन सिजबीच आज यसबारेमा सम्झौता भएको हो ।
सम्झौतापत्रमा ‘मनसरा’बाट उपेन्द्र र निर्माता शैलेन्द्रध्वज कार्की तथा सेभेन सिजका तर्फबाट रमेश चौलागाईंले हस्ताक्षर गरेका छन् ।
सिनेमा वैशाख २१ गते प्रदर्शनमा आउनेछ । ‘मनसरा’मा दयाहाङ राई, निरुना मगर, प्रवीण खतिवडा, मेनुका प्रधान आदिको प्रमुख भूमिका रहेको छ ।
नेपाल प्रेस
प्रकाशित: २०८० चैत २४ गते १७:११
प्रतिक्रिया
सम्बन्धित खवर
