पूर्वमन्त्री खान चढेको कार दुर्घटना
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2024/04/abdun-khan-accidnet.png)
काठमाडौं । जनमत पार्टीका उपाध्यक्ष एवं सांसद अब्दुल खान चढेको कार दुर्घटनामा परेको छ ।
संसद्को उद्योग तथा वाणिज्य र श्रम तथा उपभोक्ता हित समितिको सभापति समेत रहेका खान लगायत बर्दिया जाने क्रममा धादिङमा दुर्घटना भएको बताइएको छ ।
हाल सांसद खानसहित अन्य घाइतेको धादिङ जिल्ला राजमार्ग अस्पताल मलेखुमा भइरहेको र थप उपचारका लागि काठमाडौँ लगिएको छ । उनीसँग गाडीमा को-को थिए भन्ने स्पष्ट हुन सकेको छैन ।
खानका निजी सचिव अस्मिर खानका अनुसार गाडीमा सवार छ जना सबै घाइते भए पनि खतरामुक्त रहेका छन् ।
काठमाडौंबाट बर्दिया जाने क्रममा धादिङको कृष्णभीरमा गाडी ठोक्किएको हो ।
सांसद खानको हात तथा टाउकोमा चोट लागेको छ । उनीहरूलाई एम्बुलेन्सबाट काठमाडौं ट्रमा सेन्टर लगिँदै छ ।