गृहमन्त्री लामिछानेले गरे आगलागीको अवलोकन, सीसी क्यामरा हेर्न निर्देशन

काठमाडौं । गृहमन्त्री रवि लामिछानेले बलम्बुस्थित सशस्त्र प्रहरी बलको केन्द्रीय गोदाममा भएको आगलागीको स्थलगत निरीक्षण गरेका छन् । आज घटनास्थलमै पुगेर निरीक्षण गरेका उनले विभिन्न निर्देशन पनि दिए ।

विद्युत सर्ट भएर आगलागी भएको तथा नियन्त्रणमा ८ वटा दमकल परिचालन गरिएको गृहमन्त्रीलाई जानकारी गराइएको थियो । मन्त्री लामिछानेले आसपासका बस्तीमा रहेका सीसी क्यामराबाट जाँचबुझ गर्न निर्देशन दिए ।

उनले छानबिनका लागि समिति बनाउन सुझाव दिएकोमा सशस्त्र प्रहरी बलका महानिरीक्षक राजु अर्यालले एआईजीको संयोजकत्वमा समिति बनिसकेको जानकारी गराए ।

बस्ती बीचमा आगलागी भए पनि अन्य घरहरु सुरक्षित रहेको बताइएको छ ।