लायन्स अन्तर्राष्ट्रिय डिस्ट्रिक्ट ३२५ ईको दोस्रो अधिवेशन सम्पन्न, नयाँ नेतृत्व चयन

काठमाडौं । विश्वको सबैभन्दा ठूलो स्वयमसेवी संस्था लायन्स अन्तर्राष्ट्रिय डिस्ट्रिक्ट ३२५ ई को नयाँ नेतृत्व चयन भएको छ ।

शनिबार बत्तीसपुतलीस्थित अनुपम फुडल्याण्डमा सम्पन्न दोस्रो वार्षिक अधिवेशनबाट लायन वर्ष २०२४÷२०२५ को लागि डिस्ट्रिक्ट गभर्नर पदमा लायन रामसरन बस्नेत, प्रथम भाइस गभर्नर पदमा लायन हिरा प्रसाद गुप्ता र दोस्रो भाइस गभर्नर पदमा लायन श्याम कुमार यादव निर्वाचित भएका हुन् ।

आवश्यकता परेको ठॉउमा सबैभन्दा पहिला पुग्ने लायन सदस्यहरु नेपालमा १५ वटा जिल्लामा ४५००० भन्दा बढी सदस्यहरु क्रियाशील छन् । एक वर्षको कार्यकाल रहेको यस संस्था संयुक्त राष्ट्र संघबाट मान्यता प्राप्त हो ।

लायन्स अन्तर्राष्ट्रियका पूर्व अन्तर्राष्ट्रिय निर्देशक लायन ई. संजय खेतानको प्रमुख आतिथ्यमा सम्पन्न उक्त भव्य एवं सभ्य कार्यक्रममा सेवा र सदस्यताको क्षेत्रमा महत्वपूर्ण योगदान गरेका लायनहरुलाई सम्मान पनि गरिएको छ ।

तिलगंगाको प्रांगण बाट अति आकर्षक झॉकीसहित सुरू भएको प्रभातफेरीमा बगीमा डिस्ट्रिक्ट गभर्नर लायन हरि प्रसाद दाहाल लाई नगर परिक्रमा गरिएको थियो ।डिस्ट्रिक्ट भरिमा ११२ क्लब बाट कÞरीब ५०० जना प्रतिनिधि सहभागी भएर दोस्रो जिल्ला अधिवेशन सम्पन्न भएको लायन्सले जनाएको छ ।