राष्ट्रियसभा उपाध्यक्षमा नेकपा एसले पनि एमालेलाई मत दिने
नेपाल प्रेस
२०८० चैत २८ गते ११:३३
काठमाडौं । नेकपा एकीकृत समाजवादीले राष्ट्रियसभा उपाध्यक्षमा एमालेकी उम्मेदवार विमला घिमिरेलाई मत दिने भएको छ।
उपाध्यक्षका लागि १ बजेपछि बस्ने राष्ट्रिय सभा बैठकमा हुने मतदानमा नेकपा एसले पनि दिने भएको हो।
गठबन्धनमा भएको सहमति अनुसार एमालेकी उम्मेदवार घिमिरेलाई मत दिने नेकपा एसकी उपाध्यक्ष तथा राष्ट्रिय सभा सदस्य जयन्तीदेवी राईले बताइन्।
यसअघि उपाध्यक्षमा नेकपा एसले पनि दाबी गर्दै आएको थियो। एमालेकी उम्मेदवार घिमिरेसँग कांग्रेसबाट विष्णुदेवी पुडासैनीले प्रतिस्पर्धा गर्दैछिन्।
५९ सदस्यीय राष्ट्रिय सभामा जित्नको लागि ३० मत आवश्यक पर्छ। माओवादीका १७, नेकपा एमालेका वामदेव गौतमबाहेक ९, नेकपा एसका ८ र जसपाका ४ सांसद छन्।
नेपाल प्रेस
प्रकाशित: २०८० चैत २८ गते ११:३३
प्रतिक्रिया
सम्बन्धित खवर
