एसीसी प्रिमियर कप- नेपाललाई साउदी अरेबियाले दियो ७४ रनको लक्ष्य
नेपाल प्रेस
२०८१ वैशाख ५ गते १५:०४
काठमाडौं । ओमनमा जारी एसीसी प्रिमियर कपमा साउदी अरेबियाले नेपाललाई ७४ रनको लक्ष्य दिएको छ । टस हारेर ब्याटिङको निम्तो पाएको साउदी अरेबियाले निर्धारित ८ ओभरमा ७ विकेट गुमाएर ७३ रन जोड्यो ।
साउदी अरेबियाका लागि अब्दुल वाहिदले सर्वाधिक ३७ रन बनाए । अन्य ब्याटरले दोहोरो अंकमा रन बनाउन सकेनन् ।
बलिङमा नेपालका करण केसी र अभिनास बोहराले दुईदुई, प्रतिश जिसी र ललित राजवंशीले एकएक विकेट लिए ।
वर्षाका कारण तोकिएको समयमा खेल हुन नसकेपछि ओभर छोट्याएर खेल खेलाइएको थियो ।
नेपाल प्रेस
प्रकाशित: २०८१ वैशाख ५ गते १५:०४
प्रतिक्रिया
सम्बन्धित खवर
